Aktivisti Ilir Xhemalaj, duke folur nga protesta para Kryeministrisë që sot ka hyrë në ditën e 44-ët, u distancua nga nisma për vlerësime negative ndaj bizneseve në platformat e rezervimit online.
Duke folur në një lidhje Live për emisionin “Off the Record” nga Andrea Danglli në A2CNN, Xhemlaj tha se asnjë organizator i protestës nuk ka shtyrë bërjen e riview-ve të tilla.
Ai vuri në dukje se lufta e protestuesve është me kryeministrin Edi Rama, të cilin e konsideron jolegjitim.
“Asnjë nga organizatorët e protestës nuk ka organizuar apo nuk ka shtyrë askënd që të bëjë këto review-t (vlerësimet) negative. Normalisht, sheshi është i madh, ka rryma të ndryshme, këtë nuk di të them. Por ajo që është e rëndësishme është që nuk mundemi sot në 2026-ën, të dalë një drejtues i lartë i Policisë të dalë dhe të thojë do hetojmë 10 mijë qyetarë! Nuk ka asnjë nen në Kodin Penal që e përcakton këtë gjë. Rivew-t janë të lira. Është e papranueshme kjo pjesë që hetohen 10 mijë njerëz për riview negative. Patjetër që kemi një distancim, s’kemi të bëjmë fare me këtë pjesë. Ne nuk sulmojmë askënd, i vetmi person që ne duam të rrëzohet është kryeministri Edi Rama që është jolegjitim, dhe ai do marrë riview-t negative deri në momentin e fundit. E kemi luftën me sistemin dhe me kryeministrin Rama”, tha ai.
Ai paralajmëroi se në shtator priten ndryshime të mëdha si pasojë e protestës së vazhdueshme qytetare.
“Protesta do vazhdojë. Numrat besoj janë të mirë. Do vazhdojmë, në shtator presim ndryshime të mëdha, uroj edhe më shpejt, por besoj që shtatori do të na vijë me ndryshime të mëdha”. (A2 Televizion)
A2 CNN Livestream
MUND TE LEXONI GJITHASHTU
