Kryeministri Edi Rama doli sërish në mbrojtje të vendimit të qeverisë për të shpenzuar 4 milionë euro, me qëllim që koncerti i Kanye West në Tiranë të mos anulohej. Sipas tij, bëhej fjalë për një investim në mbrojtje të imazhit të Shqipërisë, turizmit dhe ekonomisë së vendit.
Rama shpjegoi se 4 milionë eurot nuk u shpenzuan për vetë koncertin, por për të përballuar pasojat e sulmit ndaj këtij eventi, që sipas tij detyroi qeverinë të rimbursonte biletat e pashitura.
Sipas kryeministrit, protestat e qytetarëve kanë shkaktuar tashmë dëme për sektorin e turizmit, duke sjellë një ulje të numrit të vizitorëve, shkruan A2CNN.
Teksa përsëriti gatishmërinë e qeverisë për të dëgjuar shqetësimet legjitime të qytetarëve, Rama theksoi se nuk do të pranojë asnjëherë shantazh ndaj institucioneve apo vendimmarrjes së qeverisë. (A2 Televizion)
A2 CNN Livestream
MUND TE LEXONI GJITHASHTU
