Nikolla Agolli, autori i dyshuar i plagosjes.
Dërgohet me helikopter drejt Spitalit të Traumës Brian Syzo, 35-vjeçari i mbetur i plagosur me armë zjarri në këmbë nga Nikolla Agolli mesditën e sotme në Pogradec.
Burime bëjnë me dije se Syzo ka marrë plagë në venat e këmbës, e për shkak të gjendjes së tij të rënduar është vlerësuar nga mjekët se duhet të dërgohej në kryeqytet.
Të dy personazhet e përfshirë në këtë ngjarje janë persona të njohur për policinë ndërsa vitin e kaluar vëllai i Brian Syzo, Sindi Syzo ka goditur mbi 30 herë me thikë Nikolla Agollin, i cili ditën e sotme ka qëlluar me armë zjarri Brian Syzon.
Policia ka bërë të mundur arrestimin e autorit të ngjarjes së sotme në Qafë Thanë ndërsa pritet të kuptohet më tej për përshkallëzimin e situatës. (A2 Televizion)
A2 CNN Livestream
MUND TE LEXONI GJITHASHTU
