Gjatë fjalimit të tij në mbledhjen e grupit parlamentar të Partisë Socialiste, kryeministri Edi Rama ka kritikuar sërish blogerët dhe personazhet e rrjeteve sociale që kanë marrë pjesë në protestat e ditëve të fundit.
Rama u shpreh se disa prej tyre, sipas tij, nuk kanë pasur më parë lidhje me protesta, por janë bërë pjesë e tyre për shkak të trendit dhe vëmendjes në rrjetet sociale.
“Sa herë e keni dëgjuar gjatë këtyre ditëve nga njerëz që kurrë në jetën e tyre as nuk e kanë imagjinuar të përzihen me protesta, por janë bërë parelinj me shalë e kremra, që të shfaqen atje bashkë me shalët dhe kremrat e tyre, sepse është trendi. Kanë frikë të mbeten jashtë valës.
Sepse në ekonominë e vëmendjes heshtja nuk shpërblehet. Shpërblehet vetëm pjesëmarrja. Shpërblehet ai që bën videon më dramatike.
Dhe një protestë nuk është më protestë, por një treg klikimesh e morali, madje edhe një treg karrierash”, u shpreh Rama. (A2 Televizion)
A2 CNN Livestream
MUND TE LEXONI GJITHASHTU
