Politologu Afrim Krasniqi i kërkoi ministrit të Turizmit, Kulturës dhe Sportit, Blendi Gonxhja që t’i kërkojë kryeministrit Edi Rama që të japë dorëheqjen, që është kërkesa kryesore e protestave që sot kanë hyrë në ditën e 30-të.
Gonxhja u shpreh se e njeh institucionin e dorëheqjes, por në rastin e Ramës, një akt i tillë nuk është i justifikuar. Ministri vuri në dukje në emisionin “Off the Record” nga Andrea Danglli në A2CNN se do të ishte dëm i madh për vendin dorëheqja e Ramës.
Sakaq Krasniqi iu përgjigj duke u shprehur se nuk varet fati i Shqipërisë nga një njeri.
DEBATI
Gonxhja: Nuk u ikim ne përgjegjësive.
Kransiqi: Pra mund të jepni dorëheqjen. Ky qenka lajm i mirë. Mund të japë qeveria dorëheqjen?
Gonxhja: Unë kam treguar që e njoh institucionin e dorëheqjes.
Krasniqi: Thuajani edhe kryeministrit.
Gonxhja: Nuk kam pse ia them në rast se nuk është e justifikuar.
Krasniqi: Thuajani se nuk është turp të japësh dorëheqjen.
Gonxhja: Do ishte dëm i madh për vendin. Ata që s’kanë asgjë për të humbur dhe punë e madhe se humb Shqipëria…
Krasniqi: Fati i këtij vendi s’është varur asnjëherë nga një njeri dhe larg qoftë të varet nga një njeri.
Gonxhja: Ka shumë rëndësi ndonjëherë, vizioni…
(A2 Televizion)
A2 CNN Livestream
MUND TE LEXONI GJITHASHTU
