Lufta mes Rusisë dhe Ukrainës vazhdon me sulme të ndërsjella në thellësi të territoreve të të dyja vendeve. Gjatë natës, sulmet me dronë ukrainas goditën disa rajone të Rusisë, duke lënë të paktën nëntë të vdekur dhe dhjetëra të plagosur. Autoritetet ruse njoftuan se shtatë persona humbën jetën dhe 25 të tjerë u plagosën pas goditjes së një qendre logjistike në rajonin e Tambovit.
Një tjetër person u vra në rajonin e Moskës, ku sulmet shkaktuan edhe zjarr në një depo nafte dhe dëmtuan një kopsht fëmijësh. Ndërkohë, në rajonin e Belgorodit u raportua një tjetër viktimë, ndërsa një sulm ndaj një objekti energjetik në Kursk la pa energji elektrike mbi 46 mijë banorë.
Presidenti ukrainas Volodymyr Zelensky tha se sulmet ishin përgjigje ndaj goditjeve ruse mbi infrastrukturën civile të Ukrainës dhe se objektivat ishin qendra logjistike që furnizonin ushtrinë ruse.
"Gjatë natës, sulmet tona me rreze të gjatë veprimi patën rezultate të rëndësishme. U goditën objektiva pranë Moskës dhe në rajonin e Tambovit, ku ndodheshin qendra logjistike që furnizonin ushtrinë ruse me sisteme navigimi, komponentë për prodhimin e dronëve dhe pajisje të tjera ushtarake. U godit gjithashtu një objekt nafte. Ky ishte një operacion i rëndësishëm dhe do të ketë të tjerë", u shpreh Zelensky.
Ndërkohë, Rusia njoftoi se forcat e saj vijuan sulmet ndaj porteve dhe objekteve ushtarake ukrainase, duke pretenduar se kanë shkatërruar depo karburanti, dronë detarë dhe një bombardues strategjik ukrainas. Me të dyja palët që intensifikojnë operacionet ushtarake, shpresat për një zgjidhje diplomatike mbeten të largëta. (A2 Televizion)
A2 CNN Livestream
MUND TE LEXONI GJITHASHTU
