“Protesta nuk ka një mesazh të fokusuar”, Shkurti: Janë disa vektorë që tërheqin

Gazetari Armir Shkurti u shpreh se në mënyrë që të çohet i gjithë populli, protesta duhet të unifikojë mesazhin e saj.

“Te armët kimike pati një mesazh unik. Dhe kur u bë mesazhi një, u çua gjithë populli. Sot, njëri thotë “poshtë komunizmi”, tjetri thotë “Rama burg, Berisha burg”, deklaroi Shkurti në studion e “Off the Record” nga Andrea Danglli, në A2CNN.

Sipas tij, “sot protesta nuk ka një mesazh të fokusuar”.

Ai shtoi se vetëm kur të qartësohet mesazhi i protestës, do të dilet te zgjidhja.

“Sot nuk ka një mesazh të fokusuar, duke qenë se ka shumë vektorë. Sot janë disa vektorë që tërheqin. Gjëja e parë është unifikimi i mesazhit. Është për Zvërnecin, është ambientaliste, është kundër Kushner dhe Trump apo është për hallet tona? Kur neve të themi protesta ka këtë mesazh, del te zgjidhja”, theksoi Shkurti.

  (A2 Televizion)