Komiteti për Marrëdhëniet me Jashtë ne Senatin Amerikan i ka dhënë "dritën jeshile" kandidaturës së Gjeneral Lejtnantit në pension, Eric Wendt, për postin e Ambasadorit të ri të SHBA-së në Shqipëri me 19 vota pro dhe 3 kundër.
Pasi mori këtë miratim kyç, emri i tij tashmë pret votimin final në seancën plenare të Senatit. Wendt ka një karrierë të pasur ushtarake prej 34 vitesh në operacionet speciale dhe ka shërbyer më parë si Komandant i Shtabit të Operacioneve Speciale të NATO-s, ku ka bashkëpunuar direkt me ushtarakët shqiptarë.
Përveç eksperiencës në Evropë dhe Afganistan, ai ka shërbyer edhe në Departamentin e Shtetit si Koordinator Sigurie në Jerusalem. Përvoja e tij e gjatë në lidership dhe njohja e rajonit konsiderohen si asete të rëndësishme për forcimin e marrëdhënieve dypalëshe Uashington-Tiranë.
Qe prej largimit te Juri Kim ve vitin 2023, Shqiperia nuk ka pasur një ambasador të emëruar nga SHBA, por vetëm të deleguar. (A2 Televizion)
A2 CNN Livestream
MUND TE LEXONI GJITHASHTU
