Ushtruesja e detyrës së Presidentes së Kosovës, Albulena Haxhiu ka bërë me dije se të premten do ta caktojë datën e mbledhjes konstituive të Kuvendit të Republikës, e cila do të jetë në javën e parë të gushtit.
Ajo gjithashtu sqaroi se deri më tani nuk ka një marrëveshje për bashkëqeverisje apo për presidentin e ri mes Vetëvendosjes dhe Lidhjes Demokratike të Kosovës.
“Ajo do të bëhet në javën e parë të muajit gusht, edhe të premten, besoj, do ta bëj një njoftimin se kur saktësisht do të mbahet kjo seance. Nuk ka pasur marrëveshje. Po të kishte marrëveshje sigurisht që të të bënim publike. Në takim ka qenë Kryeministri Kurti dhe Ministri I Financave z. Murati, dhe në anën tjetër Zoti Abdixhiku dhe zonja Osmani Sadriu. Ka pasur diskutime për rrugën që do ta ndjekim përpara, por jo marrëveshje”, tha Haxhiu. (A2 Televizion)
A2 CNN Livestream
MUND TE LEXONI GJITHASHTU
