Disa për plazh, e disa për Londër... pamjet nga bregdeti francez në pikun e sezonit

Disa pamje dramatike janë kapur ditët e fundit në Francë, ku në plazhet plot me pushues u shfaqen dhe imazhet e trishta të dhjetëra emigrantëve të paligjshëm që u shfaqën rrufeshëm për të hipur në gomonen me destinacion Anglinë.

Fotot janë realizuar nga një fotograf francez në plazhin e Boulogne-Sur-Mer, që ndodhet rreth 31 milje larg ishullit të premtuar përmes kanalit të La Manshit.

Mes tyre mund të shohësh gra të veshura me hixhab dhe fëmijë të mitur që tentojnë të hipin në gomonen në mes të detit, teksa bashkëmoshatarët e tyre pushojnë me familjarët pranë.

Kanali i La Manshit konsiderohet si një ndër rrugët më të shkurtra për emigrantët e paligjshëm që duan të hyjnë në Britaninë e Madhe. Ky itinerar ndiqet shpesh edhe nga shqiptarët, të cilët për disa muaj me radhë zunë faqet e para të mediave britanike për numrin e madh.

Franca dhe Britania që ndajnë dhe kanalin, shpesh herë kanë pasur marrëveshje për parandalimin e këtij fenomeni të paligjshëm, i cili pavarësisht masave, vijon të lulëzojë. (A2 Televizion)

Galeria fotografike (

)